Gout Busters
Kua hōhā koe i te ngau o te mate koute?
Ehara i te mea me pūkeke koe ki te pākikini o te mamae.
Ki te tika te maimoatanga, ka taea e te nuinga te aukati i te wewero o te koute, me te hoki ki te mahi hākinakina, te hī ika, ngā mahi rānei e kaingākautia ana.
Whāia tēnei akoranga poto ki te ako me pēhea.
Ka hiahia whakatutuki i te akoranga ki reo kē? Pāwhiria tō reo mariu i raro.
He aha ngā mahi o te akoranga
E waru ngā ataata poto kei tēnei akoranga tuihono hei mātakitaki māhau ki tō waea, īpapa, rorohiko rānei.
• Ka āhua 3-4 mineti te roa ki te mātaki i ia ataata.
• Ka taea te mātaki i te katoa i te rā kotahi, kia kotahi rānei i te rā mō te 8 rā.
• Ka 14 rā te roa ki a koe ki te whakaoti, i muri o tērā ka mōnehu tō āheinga.
• Whakaotihia te akoranga ki te wetehere i te āheinga anō mō te kotahi marama.
Ngā mea ka ako koe:
• He aha te koute, ā, he aha i pā ai te mamae
• Me pēhea te aukati i te werohanga mamae, me te tiaki i ō pona
• He tīwhiri e tika ai te kai i ō rongoā
• Ngā takahurihanga kātū noho whaitake
Ki te pāngia koe, tētahi rānei o te whānau ki te mate koute, māhau tēnei akoranga. Me ū ki te kaupapa, tiakina ō pona, e taea tonu ai e koe te kuhu ki ngā mahi kaingākau.
Ētahi atu utauta kei te akoranga nei
He Puka Aratohu Mate Koute
He puka māmā-te-pānui, whaitake hoki, e kī ana i ngā kōrero tūturu, ngā tohutohu mātanga me ngā hātepe māmā hei āwhina i a koe ki te whakahaere i te mate koute. He aratohu hei whakahoki ki te kāinga, e ora ai tō noho, e rangatira ai ngā kōwhiringa, kia ora ai tō noho i ia rā.
E wātea ana ki te reo Māori, Hāmoa, Tonga me te Ingarihi.
Allopurinol raumeka
Me ako ki te mahi a tēnei rongoā, me pēhea te kai tika, ā, he aha ngā kawatau, otirā he māmā hoki te reo, hei āwhina i a koe ki te whakahaere tika i tō hauora.
E wātea ana ki te reo Māori, Hāmoa, Tonga me te Ingarihi.
Ngā Kupu Tautoko
"Excellent reminder of information we can pass on to [whānau] to increase their confidence managing gout. Will encourage them to take this course."
Anonymous
"It was great, it all ran very smoothly and the information was bite sized and very easily digestible."
K Godwin,
Health Coach
"As a gout sufferer myself, who takes allopurinol, I will recommend this to others I know who also suffer."
J Seamark
"My thoughts are that Pacific families would work through the videos and find it easy to follow and has great information for them and their families."
F Tomuli-Afoa,
Community Engagement and Partnerships (Pacific Peoples)
Ngā pātai auau
Mā wai tēnei akoranga?
He mea hoahoa te akoranga o Gout Busters mā te hunga i pā kinotia ana e te koute, ahakoa ko koe tonu kei te whakahaere i tō hauora, kei te tautoko rānei koe i tētahi atu. Ka hāngai pū tēnei akoranga ki ngā tāne Māori, Pasifika hoki, e taiohi ana, e pukumahi ana. Āpiti ki tērā, ka noho hei rauemi whaihua mā ngā tāngata takitahi kua tonoa ki ngā mātanga hauora.
Ka hia te roa o te akoranga?
He mea hoahoa te Akoranga o Gout Busters kia poto, kia māmā te whakahaere, ahakoa he tangata pukumahi koe. He mea whakarite te tāhuhu o te akoranga nei kia waru rā te roa, otirā ka iti ake i te rima mineti ngā wāhanga hei mahi i ia rā. Mā te whakarite kia iti noa ngā wāhanga, ka uru pai noa ki ō mahi o ia rā, otirā ka hāngai tika ki ngā tāngata pukumahi e rapu nei i ngā tirohanga tere, whaitake hoki.
Ka whakakapi tēnei akoranga i ngā tohutohu hauora?
Kei konei te akoranga o Gout Busters ki te āwhina i a koe ki te ako i ētahi kōrero mō te whakahaere i te mate koute, engari ehara i te mea ka whakakapi i ngā tohutohu a tō tākuta. Mēnā he pātai āu, he māharahara rānei mō tō hauora, me kōrero ki tō tākuta, tō kaiwhakarato hauora rānei. Ko te tikanga o tēnei akoranga he tautoko, kaua hei whakakapi, i ā rātou tohutohu tohunga.
