Gout Busters
Fo‘i he langa kauti mamahi ‘aupito?
‘Oku ‘ikai fiema‘u ia ke hokohoko atu ho‘o mamahi‘iá.
Ko hono ma‘u atu ‘o e faito‘o totonú, ‘e malava leva ‘e he tokolahi taha ‘o e kakaí ke nau ta‘ofi ai ‘a e ngaahi langa kautí pea nau foki ai ki he sipotí, taumāta‘ú, ngāué mo fakahoko e ngaahi me‘a ‘oku nau manako aí.
Fakahoko ‘a e polokalama ako nounou ko ‘ení ke ako ai he taimí ni.
Fie fakahoko e polokalama ako 'i ha lea fakafonua kehe? Lomi'i 'a e lea fakafonua te ke faka'aonga'i 'i lalo.
Ko e me‘a te ke ma‘u atu ‘i he polokalama akó
Ko e polokalama ako ‘initaneti ko ‘ení ‘oku ‘i ai ha ngaahi vitiō nounou ‘e 8 te ke lava ‘o sio ki ai ‘i ho‘o telefoní, tepiletí, pe komipiutá.
• Ko e vitiō takitaha ‘oku lōloa miniti pē ‘e 3–4 ke sio ai.
• Te ke lava ‘o fakahoko kotoa kinautolu ‘i he taimi ‘e taha pe taha he ‘aho ‘i ha ‘aho ‘e 8.
• ‘E ‘i ai ho‘o ‘aho ‘e 14 ke fakakakato ai, hili iá, ‘e ‘ikai leva ke ke toe lava ‘o hū ki ai.
• Fakakakato ‘a e polokalama akó pea ma‘u atu ai ha māhina makehe ke ke kei lava pē ‘o hū ki ai.
Te ke ako ki he:
• Kautí mo e ‘uhinga ‘okú ne fakatupunga ai ‘a e mamahí
• Founga hono ta‘ofi ha ngaahi mapuna hake ‘a e mamahí (flares) mo malu‘i ‘o ho ngaahi hokotanga huí
• Ngaahi fale‘i ki hono folo ‘o ho‘o fo‘i‘akau faito‘ó ‘i he founga totonú
• Ngaahi liliu faingofua ki he anga ‘o e mo‘uí ‘e ‘aonga lahi
Kapau ko koe pe ko ha tokotaha ‘i ho kāingá ‘okú ne ma‘u ‘a e kautí, ko e polokalama ako eni ma‘á u. Tauhi ma‘u ia, malu‘i ho ngaahi hokotanga huí pea hokohoko atu ‘a e ngaahi me‘a ‘okú ke manako aí.
Ngaahi me‘angāue makehe ‘i he polokalama akó
Tohi Fakahinohino Faka‘ofisiale ki he Kautí (Official Gout Guide)
Ko ha tohi ‘e ala muimui‘i ngofua, mo faingofua hono laú ‘oku fonu ai ‘a e ngaahi talanoa mo‘oni, fale‘i mataotao mo e ngaahi sitepu faingofua ke tokoni‘i koe ke mapule‘i ho kautí. Ko ho‘o tohi fakahinohino ia ke ‘ave ki ‘api ki he mo‘ui ‘oku leleí, faitu‘utu‘uni paú mo e ongo‘i lelei ange ‘i he ‘aho kotoa peé.
Malava ke ma‘u atu ‘i he lea Te reo Māori, Samoan, Tongan mo e Faka-Pilitāniá.
Lau‘i tohi ‘o e mo‘oni‘i me‘a fekau‘aki mo e Allopurinol
Ako ki he founga ‘oku ngāue ai ‘a e faito‘o ko ‘ení, founga malu ke folo aí mo e me‘a ke ‘amanaki ki aí, ‘oatu kotoa ia ‘i he lea mahino ke tokoni‘i koe ke ke ongo‘i pau ‘i hono tokangaekina ho‘o mo‘ui leleí.
Malava ke ma‘u atu ‘i he lea Te reo Māori, Samoan, Tongan mo e Faka-Pilitāniá.
Ngaahi fakaongoongo leleí
"Excellent reminder of information we can pass on to [whānau] to increase their confidence managing gout. Will encourage them to take this course."
Anonymous
"It was great, it all ran very smoothly and the information was bite sized and very easily digestible."
K Godwin,
Health Coach
"As a gout sufferer myself, who takes allopurinol, I will recommend this to others I know who also suffer."
J Seamark
"My thoughts are that Pacific families would work through the videos and find it easy to follow and has great information for them and their families."
F Tomuli-Afoa,
Community Engagement and Partnerships (Pacific Peoples)
Ngaahi fehu‘i ‘oku fa‘a ‘eké
Ko hai ‘oku fakataumu‘a ki ai ‘a e ako ko ‘eni?
‘Oku fa‘u ‘a e polokalama ako Gout Busters ki ha fa‘ahinga kakai pē ‘oku uesia ‘e he kautí, kau ai ‘a koe ‘okú ke feinga ke mapule‘i ‘a e mahakí pe tokoni‘i ha tokotaha ‘okú ke ‘ofa ai. ‘Oku fekau‘aki tonu ia mo e to‘utupú, kakai tangata Māori mo e Pasifiki ‘oku mo‘umo‘uá.
‘Oku toe hoko foki ko ha ma‘u‘anga tokoni mahu‘inga ki he kakaí fakafo‘ituitui kuo fakafehokotaki mai ‘e he kau ngāue palofesinale ki he mo‘ui leleí.
Ko e hā hono lōloa ‘a e taimi teu fakahoko ai ‘a e polokalama ako?
‘Oku fa‘u ‘a e Gout Busters Course ke nounou mo mapule‘i lelei pē, ‘o tatau pē ki he kakai ‘oku fu‘u femo‘uekiná. Kuo fokotu‘utu‘u ‘a e polokalama akó ke fakakakato pē ‘i ha ‘aho ‘e valu, pea si‘isi‘i hifo he miniti ‘e nimá hono konga takitaha. Ko e iiki ko ia hono ngaahi kongá ‘okú ne fakapapau‘i ai te ke lava ‘o fakakau ia ‘i ho‘o ngaahi ngafa faka‘ahó pea fe‘unga foki mo kinautolu ‘oku mo‘umo‘uá pea nau fiema‘u pē ke ma‘u vave ha ngaahi ‘ilo ‘oku malava ke ngāue‘í.
‘Oku fetongi ‘e he polokalama ako ko ‘ení ‘a e fale‘i fakafaito‘o?
‘Oku ‘i heni ‘a e polokalama ako Gout Busters ke tokoni‘i koe ke ke ako lahi ange fekau‘aki mo hono mapule‘i ho kautí, ka ‘oku ‘ikai ke ne fetongi ‘e ia ‘a e fale‘i mei ha toketā. Kapau ‘oku ‘i ai ha‘o ngaahi fehu‘i pe hoha‘a fekau‘aki mo ho‘o mo‘ui leleí, talanoa ki ho‘o GP pe kautaha ngāue ki he mo‘ui leleí. Ko e ‘uhinga ‘o e polokalama ako ko ‘ení ke tokoni atu, ka e ‘ikai ko hono fetongi, ‘enau fale‘i mataotaó.
